Ginakasubo gid sang aton alkalde ang natabo nga sunog sang nagligad nga mga inadlaw sa Brgy. So-oc sa distrito sang Arevalo. Gani, bilang amay kag mayor sang syudad, gakabalaka gid ang aton pinalangga nga Mayor JOE III Espinosa para sa kahimtangan sang aton mga pumuluyo nga na apektohan sining sunog.
Gani, gin-instructionan sang aton alkalde ang City Social Welfare and Development Office (CSWDO) nga pagadali-on gid ang pagprocess sang mga bulig financial para sa aton mga pumuluyo nga nasunogan. Gusto gid sang aton pinalangga nga alkalde nga siya mismo ang magahatag sang mga bulig financial sa aton mga benefisyaryo, angod mapaabot sa ila nga ang gobyerno subong sang syudad, naga-ulikid gid kag nagakabalaka sa ila mga sitwasyon kag kahimtangan nga ginabatyag subong.
Gapasalig gid ang aton pinalangga nga Alkalde JOE III, nga samtang siya ang alkalde sang syudad, ang PAG-TATAP, PAG-PALANGGA kag labi nagid sa tanan ang PAG-ULIKID sang syudad sa mga pumuluyo sini ay isa gid sa ginaprayoridad nya kag ginahatagan sang importansya.
